პოლონეთის ქალაქ კრაკოვში, 6 აპრილს ადგილობრივი თვითმმართველობების მე-2 ევროპულ კონგრესი დასრულდება. დედაქალაქის დელეგაციას, რომელშიც თბილისის მუნიციპალიტეტის საკრებულოსა და მერიის წარმომადგენლები იმყოფებიან, საკრებულოს თავმჯდომარე გიორგი ალიბეგაშვილი ხელმძღვანელობს.

აღნიშნული კონგრესი მის ორგანიზატორებს ევროკავშირის სტრუქტურულ ფონდებთან ევროპის რეგიონულ მმართველობათა ეფექტური კავშირისთვის აქვთ წარმოდგენილი. მისი მთავარი მესიჯია: ადგილობრივი თვითმმართველობა დღეს - ხალხი, თანამშრომლობა, ინოვაციები.

კონგრესის პროგრამა 7 თემატურ განყოფილებაში გაერთიანებულ 50-ზე მეტ ღონისძიებას მოიცავს. აქ მიმდინარეობს დისკუსიები, ლექცია-სემინარები, პრეზენტაციები და მიღებები.

6 აპრილს, კონგრესზე თბილისის მრავალმხრივი ეკონომიკური მაჩვენებლებით წარდგენას სსიპ „ტექნოლოგიური განვითარების ფონდის" უფროსი კახაბერ გვანცელაძე გააკეთებს. მასთან ერთად ღონისძიებაზე მერიას წარმოადგენენ ტრანსპორტის საქალაქო სამსახურის უფროსი გიორგი გურგენიძე და ეკონომიკური პოლიტიკის საქალაქო სამსახურის თანამშრომელი ავთანდილ აბაშიშვილი.