საპარლამენტო უმრავლესობის წევრმა და ფრაქცია "ქართული ოცნების" თავმჯდომარე გია ვოლსკიმ განაცხადა, რომ პრემიერ-მინისტრ გიორგი კვირიკაშვილის გარდა, ჯერ გადაწყვეტილი არ არის, საარჩევნო სიის ათეულის წევრები ვინ იქნებიან. გავრცელებულ ინფორმაციას, რომ სიის მეორე და მესამე წევრი შესაძლოა, დავით სერგეენკო და კახი კალაძე იყვნენ, იგი არ ადასტურებს. მისი თქმით, ეს შესაძლოა, მხოლოდ ვინმეს ლოგიკური მოსაზრება იყოს, რადგანაც ამ კანდიდატების განხილვა მმართველ გუნდში არ ყოფილა.