წინა ხელისუფლებისგან დაზარალებულ ბიზნესმენებთან ერთად, მთავრობას უმოქმედობაში სახალხო დამცველიც ადანაშაულებს. ომბუდსმენი განსაკუთრებულ ყურადღებას უძრავ ქონებაზე ამახვილებს და ამბობს, რომ ქონებაწართმეულთა საქმეების გამოძიების ტემპით უკმაყოფილოა. 3,5 წლის განმავლობაში "ოცნების" ანგარიშზე მხოლოდ რამდენიმე დაბრუნებული მანქანაა. სხვა არც ერთი გახმაურებული ქონებრივი დავა ყოფილი მფლობელის სასარგებლოდ არ დასრულებულა. ამ დროს კი კარს ახალი არჩევნები მოგვადგა.