მართლმადიდებელი სამყარო დიდი და წმინდა კრების მოლოდინშია, რომელიც 16-27 ივნისს საბერძნეთში, კუნძულ კრეტაზე ჩატარდება. მასში 14-ვე საყოველთაოდ აღიარებული ავტოკეფალიური მართლმადიდებელი ეკლესია მონაწილეობს. კრებას თითო ეკლესიიდან ეკლესიის მეთაური და 24 ეპისკოპოსი დაესწრება. თუ ეკლესიას 24 ეპისკოპოსი არ ჰყავს, რამდენიც ჰყავს იმდენი. ამასთანავე განსაზღვრულია დამატებით 6 პირის დამატება, მათ შორის შეიძლება საერო პირიც იყოს.