საწარმოთა ბრუნვაში მცირე და საშუალო ბიზნესის წილი წლების განმავლობაში 20%-ის ფარგლებშია. მართალია, 2003 წლიდან დღემდე ბიზნესის ამ სეგმენტში დასაქმებულთა რაოდენობამაც მოიმატა, ხელფასმაც და ბრუნვაც გაიზარდა, თუმცა ამას ქვეყანაში მცირე მეწარმეობის განვითარება არ მოჰყოლია. პრობლემას ვერც "აწარმოე საქართველოს" ფარგლებში გახსნილმა მცირე საწარმოებმა უშველა. სამაგიეროდ, სწრაფი ტემპით ვითარდება მსხვილი ბიზნესი, რომლის წილი ბიზნეს-სექტორის მთლიან ბრუნვაში 80%-საც კი აღემატება.