თბილისის სახელმწიფო უნივერსიტეტის თვითმმართველობის პრეზიდენტი და ვიცე-პრეზიდენტები გადადგნენ და მათი ამგვარი გადაწყვეტილება რექტორ ლადო პაპავას გადადგომით ახსნეს. განაცხადეს, რომ თვითმმართველობის სამომავლო ბედზე უკვე პოზიციების დაკავების გარეშე იბრძოლებენ, რისთვისაც სტუდენტებს თანადგომისკენ მოუწოდებენ. "აუდიტორია 115" კი ამას ერთგვარ პიარსვლად აფასებს და ამბობს, რომ თვითმართველობის წარმომადგენლებს უფლებამოსილება ისედაც ეწურებოდათ.