ბიძინა ივანიშვილის "ღია წერილს" საზოგადოებაში დიდი ინტერესი მოჰყვა. მართალია, ოთხწლიანი პერიოდის შეფასებისას ეკონომიკური საკითხები ვრცლად არ იყო წარმოდგენილი, მაგრამ მოსახლეობის დიდ ნაწილს სწორედ ეს კომპონენტი აინტერესებს. ექსპერტები ვარაუდობენ, რომ ეკონომიკურ საკითხებს ექსპრემიერი, სავარაუდოდ, ერთ თვეში დაუბრუნდება. არ არის გამორიცხული, საქართველოს ეკონომიკაში მიმდინარე მოვლენებზე ბიძინა ივანიშვილმა სატელევიზიო გადაცემებში ისაუბროს.