დევდორაკის ხეობაში მოვარდნილმა ღვარცოფმა და შედეგად ლარსის გზის ჩაკეტვამ რუსეთში ქართული პროდუქტების ექსპორტს პრობლემა შეუქმნა. ამ მხრივ განსაკუთრებით ქართული ღვინისა და ხილის კომპანიები დაზარალდნენ. ექსპორტიორების ინფორმაციით, მათი ნაწილი შემოვლითი გზით ისარგებლებს, რაც დამატებით ხარჯს უკავშირდება. თუმცა ღვინის კომპანიები, რომელთაც ექსპორტისთვის მხოლოდ ლარსის გამშვები პუნქტით სარგებლობის უფლება აქვთ, გზის გახსნას დაელოდებიან.