ბოლო რამდენიმე დღეში იმპორტირებული სურსათის ფასმა - 5-10%-ით, ხოლო ნავთობპროდუქტების ღირებულებამ 6-7%-ით მოიმატა. ლარის მკვეთრი გაუფასურების გამო, იმპორტიორებმა მოსალოდნელი გაძვირება დაახლოებით 1 კვირის წინ დააანონსეს და მალევე აასრულეს. მათი მტკიცებით, ლარი უკვე იმ ნიშნულზეა, როცა ფასის შენარჩუნება შეუძლებელია. გაძვირდა თითქმის ყველა დასახელების პროდუქტი, მათ შორის ისეთიც, რომელიც ბოლო პერიოდამდე საგრძნობლად იყო გაიაფებული.