ლარის უეცარმა გაუფასურებამ საბანკო სესხების მომხმარებლებს დამატებითი სანერვიულო გაუჩინა. ხალხს ძლივს შემცირებული ხარჯი ისევ გაეზარდა. როგორც ცნობილია, საკრედიტო ორგანიზაციების მიერ გაცემული სესხების უმეტესობა უცხოურ ვალუტაშია, რაც მსესხებლებს სერიოზულ პრობლემას უქმნის. მით უმეტეს, რომ საბანკო სექტორში რისკის დაზღვევის არანაირი მექანიზმი არ არსებობს.