ამერიკული სამხედრო წვრთნების შემდეგ საქართველო ვაშინგტონისგან მალე იარაღის გადმოცემასაც ელოდება. გუშინ საქართველოსა და აშშ-ს შორის თავდაცვისა და უსაფრთხოების სფეროში პარტნიორობის გაღრმავების შესახებ ურთიერთგაგების მემორანდუმი გაფორმდა, რაც თავდაცვის აღჭურვილობის შესყიდვის თემებს მოიცავს. დოკუმენტს ხელი აშშ-ის სახელმწიფო მდივანმა ჯონ კერიმ და პრემიერმა გიორგი კვირიკაშვილმა მოაწერეს და ის უკვე შეფასდა, როგორც უმნიშვნელოვანესი მიღწევა აშშ-საქართველოს 25-წლიანი პარტნიორობაში.