მთავრობა ზუგდიდის აეროდრომის მშენებლობისთვის ინვესტორს კვლავ ეძებს. საქართველოს აეროპორტების გაერთიანების მიერ მოწოდებული ინფორმაციის მიხედვით, წინადადებების წარმოდგენის ბოლო ვადა გაიზარდა. კერძო სექტორის პასიურობიდან გამომდინარე, ეკონომიკის სამინისტრომ, აეროპორტების გაერთიანებამ ასევე გაამარტივა პირობები, ვალდებულებები, რასაც ხელშეკრულება ითვალისწინებს. რაც შეეხება სხვა ქალაქებს, ახალი აეროდრომების მშენებლობა-რეაბილიტაციის მიმართულებით ჯერჯერობით სამუშაოების დაწყებას აეროპორტების გაერთიანებაში არ აპირებენ.