არშემდგარმა სამხედრო გადატრიალებამ თურქეთის ეკონომიკას პრობლემა უკვე შეუქმნა - ლირა გაუფასურდა, საფონდო ბირჟებზე თურქული კომპანიების აქციების ღირებულება შემცირდა, ტურისტებმა ქვეყნიდან გასვლა დაიწყეს, ზოგმა კი ჯავშანი გააუქმა. მართალია, ანკარაში ირწმუნებიან, რომ "ქვეყნის მაკროეკონომიკურ მაჩვენებლებს საფრთხე არ ემუქრება", თუმცა საერთაშორისო ორგანიზაციები უკვე სკეპტიკურ პროგნოზებს აკეთებენ. თურქეთის ეკონომიკაში მიმდინარე პროცესებმა შესაძლოა, ქართულ ეკონომიკაზე, პირდაპირი თუ არა, ირიბი ნეგატიური გავლენა მოახდინოს.