საქართველოს დაცულ ტერიტორიებზე ბრაკონიერობის ფაქტები ბოლო დროს სულ უფრო მწვავე სახეს იღებს, დამნაშავეები რეინჯერებზე თავდასხმასაც აღარ ერიდებიან. მსგავს ფაქტს ადგილი სულ რამდენიმე კვირის წინ ბორჯომ-ხარაგაულის ეროვნულ პარკში ჰქონდა - როგორც ადგილობრივები და გარემოს დაცვის საკითხებზე მომუშავე ორგანიზაციების წარმომადგენლები ამბობენ, რეინჯერებს ბრაკონიერების ჯგუფი თავს მოულოდნელად დაესხა და ავტომობილები დაუმტვრიეს.