საქართველოში 223 გაუკაცრიელებული სოფელია, 255-ში კი 10 ან ნაკლები ადამიანი ცხოვრობს. ამასთან, ბოლო 12 წლის განმავლობაში სოფლებში მცხოვრებთა რაოდენობა 24%-ითაა შემცირებული და დღეს 1,5 მლნ ადამიანს შეადგენს. იმ შემთხვევაში, თუ კლების ტენდენცია გაგრძელდა, გამორიცხული არ არის, რომ უკვე შემდგომი აღწერისთვის გაუკაცრიელებული სოფლების რაოდენობამ 500-ს გადააჭარბოს, სოფლებს კი მხოლოდ 1 მლნ ადამიანიღა შემორჩეს.