სამედიცინო დაწესებულებების სიმრავლის მიუხედავად, საქართველოში ჯანდაცვის მომსახურება ყოველწლიურად ძვირდება. მატულობს ფასი როგორც ამბულატორიულ გამოკვლევებზე, ასევე ძვირდება ექიმთან ვიზიტიც. გაძვირების ტენდენცია განსაკუთრებით საყოველთაო ჯანდაცვის პროგრამის შემდეგ გახდა თვალში საცემი. სამედიცინო კლინიკების ნაწილი ხედავს, რომ თანხის ნაწილს მაინც სახელმწიფო იხდის და ამით კარგადაც სარგებლობს - პაციენტს დამატებით გამოკვლევებს უნიშნავს და ფულს მისგანაც იღებს.