საქართველოში წყლის გადამამუშავებელი საწარმოს მშენებლობა და სასმელი წყლის ექსპორტის საკითხი ისევ გადაუწყვეტელია. ასევე უცნობია, როდის დაიწყება ირანში, ურმიის ტბის ამოსავსებად წყლის საქართველოდან გადაქაჩვა, ორივე საკითხი ჯერჯერობით გაყინულია. არადა, სპეციალისტების თქმით, საქართველოს იმის ბუნებრივი რესურსი, რომ მსოფლიო მტკნარი სასმელი წყლით მოამარაგოს, რეალურად გააჩნია. დღევანდელი მონაცემებით, ქვეყანას 18 მლრდ კბ/მ მტკნარი წყლის მარაგი აქვს, საიდანაც მხოლოდ 5%-ია ათვისებული.