ეროვნული ვალუტა ბოლო რამდენიმე დღის განმავლობაში უმნიშვნელოდ, მაგრამ ყოველდღიურ რეჟიმში მყარდება. "ბლუმბერგის" პლატფორმაზე ერთი დოლარის ღირებულება 2,35-იდან უკვე 2,33-ის ნიშნულზე ჩამოვიდა, რაც სებ-ის ოფიციალურ კურსზეც აისახა. ანალიტიკოსების პროგნოზით, ლარი გამყარების ტრენდს, სავარაუდოდ, შეინარჩუნებს და მალე, შესაძლოა, 2,25-საც კი ჩამოსცდეს. წინასაარჩევნოდ ლარის გამყარება კი, თავის ყველაზე მეტად ხელისუფლების ინტერესებში შედის, რადგან დღეს არსებული კურსით "ოცნებას" ამომრჩევლის შენარჩუნება ნამდვილად გაუჭირდება.