კახეთში რთველისთვის აქტიური სამზადისი დაიწყო. შარშანდელთან შედარებით, გლეხები წელს ცოტა ნაკლებ მოსავალს ელოდებიან. თუმცა, რამდენი შეიძლება იყოს სხვაობა, წინასწარ ვარაუდი უჭირთ. ამ მაჩვენებლებს ჯერჯერობით ვერც ღვინის ეროვნულ სააგენტოში ასახელებენ, სადაც ადასტურებენ, რომ ვენახში გაჩენილი დაავადების გამო მოსავალი მცირედით შემცირდა. როგორც უწყებაში განმარტავენ, ამ ეტაპზე ყველა პირობაა, რომ სეზონი წარმატებით ჩატარდეს.