ეროვნული ვალუტის კურსის მკვეთრი რყევის თავიდან აცილების მიზნით, სებ-მა გუშინ ბაზარს 20 მლნ დოლარი მიაწოდა. შედეგად ერთი დოდარის ოფიციალური ღირებულება 2,3124 ლარამდე ჩამოვიდა და ბოლოდროინდელი მუდმივი გაუფასურება ცოტათი შეჩერდა. იმის გამო, რომ ახლა საგარეო ვალის მომსახურების პერიოდია, თანაც ყურძნის სუბსიდირების შედეგად მოსახლეობაში ლარის დამატებითი მასა გაჩნდა, გამორიცხული არ არის, რომ ეროვნულ ვალუტაზე ზეწოლა კვლავაც გაგრძელდეს, ამიტომ სებ-ი თადარიგს იჭერს.