არჩევნებამდე 8 დღით ადრე ჯერ კიდევ გაურკველია თუ რომელი პარტია მოიპოვებს უმრავლესობას პარლამენტში და დააკომპლექტებს შემდეგ პარლამენტს. ორივე ძირითადი პარტია არჩევნებში დარწმუნებულია. ოთხშაბათს, არჩევნებამდე 10 დღით ადრე, "ნაციონალებმა" "ოცნებას" უკვე შესთავაზეს ოპოზიციაში გადასვლა. ეს უკანასკნელი არა მარტო უეჭველ გამარჯვებაშია დარწმუნებული, არამედ, არც მეტი არც ნაკლები, 100 დეპუტატის გაყვანას გეგმავს. ამაზე ადრე ბიძინა ივანიშვილმა ისაუბრა, გუშინ კი სატელევიზიო ჩართვალი ზვიად ძიძიგურმაც გაიმეორა. არანაკლებ ომახიანად საუბრობენ გამარჯვებაზე ის პარტიებიც, რომლებმაც შეიძლება 5%-იანი ბარიერიც ვერ გადალახონ. თავის თავდაჯერებულობის საფუძვლად კი შიდა კვლევებს ასახელებენ. რაც შეეხება დამოუკიდებლად ჩატარებული სოციოლოგიურ კვლევებს, მათ ბევრი არ ენდობა, თავად ბევრი კვლევის დამოუკიდებლობა კი ეჭვის საფუძველს ბადებს;