8 ოქტომბრის არჩევნებზე, წინასწარი განწყობით, 5-6 რეგიონია ისეთი, სადაც დიდწილად გარკვეულია, რა შედეგი დაიდება და ვინ იქნება პირველი. საქართველოში არსებული 10 რეგიონიდან მოგებისა და მეტ-ნაკლებად დამშვიდების საბაბი "ქართულ ოცნებას" პირველ რიგში ეთნიკური უმცირესობებით დასახლებულ ოლქებში - ქვემო ქართლსა და სამცხე-ჯავახეთში აქვს; ასევე დიდწილად იმერეთში, ივანიშვილის იმერული წარმომავლობიდან გამომდინარე და ტრადიციულად "ანტინაციონალ" გურიაში. იგივე შეიძლება ითქვას რაჭა-ლეჩხუმსა და შიდა ქართლზეც, სადაც ბოლო არჩევნებში "ოცნება" იგებდა.