თურქული ვალუტის გაუფასურება ქართულ ბაზარზე იმპორტის მოზღვავებას გამოიწვევს. როგორც სპეციალისტები ვარაუდობენ, მომდევნო თვიდან, თუკი ლირა გაუფასურებას გააგრძელებს, თურქული პროდუქტის ჰეგემონობას საქართველოში წინ ვერაფერი დაუდგება. ბოლო მონაცემით, თურქული ვალუტა დოლართან მიმართების ისტორიულ მინიმუმამდე დაეშვა და ლარის გაუფასურების ტენდენციას საკმაოდ აჭარბებს.