მთავრობის ეკონომიკურ ბლოკში მოსალოდნელმა საკადრო ცვლილებებმა და გადაჯგუფებამ დიდი დაბნეულობა გამოიწვია. საქართველოს პრემიერ-მინისტრმა გიორგი კვირიკაშვილმა სამთავრობო ცვლილებებზე ჟურნალისტებთან კომენტარი გააკეთა და განაცხადა, რომ ეკონომიკური ბლოკის სამინისტროების შერწყმა არ იგეგმება. საკადრო ცვლილებას საზოგადოების ნაწილი ხელისუფლების განახლებას უკავშირებს, ნაწილი კი ფიქრობს, რომ მსგავსი გადაჯგუფება ლარის სტაბილურობისთვის აუცილებელია.