მოგების გადასახადის დაბეგვრის ახლებურ მეთოდს, რომელიც ახალი წლიდან ამოქმედდება, მოწინააღმდეგე უფრო მეტი ჰყავს, ვიდრე მხარდამჭერი. სავალუტო ფონდთან ერთად, სპეციალისტების უმეტესობა "ესტონური მოდელის" იდეას იწუნებს. აუდიტორების შეფასებით, ახალი მექანიზმი დადებითად მხოლოდ მსხვილი მეწარმეების საქმიანობაზე აისახება, ხოლო მცირე და საშუალო ბიზნესი ისევ დაზარალდება.