ლარის მიმართ ხალხმა ნდობა დაკარგა. უკვე არავის სჯერა ფუჭი დაპირებების, რომელსაც ლამისაა, ყოველდღიურად ვისმენთ. მთავრობა და ეროვნული ბანკი მუდმივად არასწორ პროგნოზს აკეთებენ, როდესაც ლარის კურსთან დაკავშირებით დამაიმედებელ განცხადებებს ავრცელებენ. არც ერთი მათ მიერ გაკეთებული პროგნოზი არ გამართლებულა. ამ მხრივ განსაკუთრებით მთავრობა სცოდავს. ფინანსთა მინისტრის, ეკონომიკის მინისტრისა და გნებავთ, პრემიერ-მინისტრის განცხადება, რომ ლარი გამყარდება, მოსახლეობის დასაშოშმინებლად გამოგონილი სატყუარაა.