"ნაციონალური მოძრაობის" გარშემო კვლავ ვნებათაღელვაა - თანაპარტიელები ერთმანეთს ღიად უპირისპირდებიან. შეძლებენ თუ არა გიგა ბოკერია და მისი მომხრეები პარტიის თავმჯდომარეობიდან ექსპრეზიდენტ მიხელ სააკაშვილის გადაყენებას, დეკემბერში გაირკვევა, რაც დიდი ალბათობით, შეიძლება პარტიის დაშლის და ორად გახლეჩის საფუძველიც გახდეს. ყოველ შემთხვევაში ამ საშიშროებაზე თავად "ნაციონალური მოძრაობის" ლიდერებიც საუბრობენ.