საქართველოდან საექსპორტოდ გატანილი პროდუქციის რაოდენობა მკვეთრად მცირდება. გარდა იმისა, რომ უარყოფითი სავაჭრო ბალანსი ძალიან დიდია, ბოლო თვეების განმავლობაში ექსპორტი თავდაღმა მიექანება. სტატისტიკის ეროვნული სამსახურის ინფორმაციამ ეს კიდევ ერთხელ დაადასტურა. 2016 წლის იანვარ-ოქტომბრის მონაცემებით, ექსპორტი 1701 მლნ აშშ დოლარს შეადგენს, რაც წინა წლის ანალოგიურ პერიოდს 7 პროცენტით ჩამორჩება.