საქართველოს ჯანდაცვის სისტემა და მისი მიმზიდველობა ოკუპირებული აფხაზეთის მცხოვრებლებისათვის სეპარატისტული ხელისუფლების დიდი "თავსატეხი" გახდა. ჯერ კიდევ 2015 წელს გალის დე ფაქტო ადმინისტრაციის ხელმძღვანელი თემურ ნადარაია ასეთ რამეს აცხადებდა: "არ გამოვრიცხავთ სახელმწიფო საზღვრის ჩაკეტვასაც, თუ ქართული მხარე არ შეწყვეტს სამედიცინო მომსახურების სფეროში საკუთარი უპირატესობის გამოყენებას და შეტევითი საქმიანობის განხორციელებას".