ლარი მკვეთრად გამყარდა, მაგრამ ერთხელ უკვე გაძვირებული პროდუქტი აღარ გაიაფდება. წინასაახალწლოდ მოთხოვნის ზრდა ეროვნული ვალუტის კურსს სასიკეთოდ დაეტყო, თუმცა პერსპექტივაში ტენდენცია ვერ შენარჩუნდება. სპეციალისტები ფიქრობენ, რომ იანვრიდან ლარი გაუფასურებას გააგრძელებს. ამ პერიოდში ეკონომიკური აქტივობა მინიმუმამდე დავა, ხოლო ფულადი გზავნილები და ინვესტიციებიც საკმაოდ შემცირდება.