საპარლამენტო უმრავლესობაში ფიქრობენ, რომ პრეზიდენტის განცხადება „გაზპრომთან" გაფორმებულ ხელშეკრულებასთან დაკავშირებით „დაუფიქრებელი" იყო.

ქვეყნის პირველი პირი მოუწოდებს პარლამენტს, განახორციელოს მისი კონსტიტუციური ვალდებულება და გააძლიეროს საზედამხედველო ფუნქცია „გაზპრომთან" მიღწეულ შეთანხმებასთან დაკავშირებით.

ვოლსკის თქმით, „არ იქნება სწორი ისტერიკისთვის და დაძაბულობისთვის აყოლა, რადგან სახელმწიფოს და მის საზოგადოებას გაზის გარდა, სიწყნარე სჭირდება, გარკვეული სიმშვიდე და განცდა იმისა, რომ რთული ვითარების მიუხედავად ხელისუფლება გამოზომილ და სწორ ნაბიჯებს დგამს"