შსს-ს აჭარის პოლიციის დეპარტამენტის თანამშრომლებმა, ჯგუფურად ჩადენილი ყაჩაღობის ბრალდებით, 1980 წელს დაბადებული გ.ა. - ფოთში და ასევე 1980 წელს დაბადებული ს.ყ. ბათუმში დააკავეს.

მიმდინარე წლის 3 იანვარს, ბრალდებულები იარაღის მუქარით თავს დაესხნენ შპს „იალჩინ მარკეტის" ბუღალტერს და 148 546 ლარი, ასევე ბუღალტერის პირადი თანხა და ნივთები გაიტაცეს.

სამართალდამცველებმა გ.ა.-ს საცხოვრებელი სახლის ჩხრეკისას, 4 700 ლარი და ცივი იარაღი, ხოლო ს.ყ.-ს დროებითი საცხოვრებელი სახლიდან 7 750 ლარი და ოქროს საყურე ამოიღეს. საგამოძიებო მოქმედებების შედეგად, ასევე ამოღებულია 37 300 ლარი.

გამოძიება დიდი ოდენობით ნივთის დაუფლების მიზნით, ჯგუფურად ჩადენილი ყაჩაღობის ფაქტზე მიმდინარეობს.