ავარიების უმეტესობა, თბილისი-სენაკი-ლესელიძის ავტომაგისტრალზე ხდება. შსს-ს ანალიტიკური სამსახურის ცნობით, ყველაზე პრობლემურ უბნად, 76-ე კილომეტრი მიიჩნევა. ეს მონაკვეთი ქალაქ გორიდან 8 კმ-ის მანძილზე, სოფელ შავშვებთან მდებარეობს.

ამის შესახებ ინფორმაციას, შსს-ს საინფომაციო-ანალიტიკური დეპარტამენტის სტატისტიკაზე დაყრდნობით, შიდა ქართლის საინფორმაციო სააგენტო ავრცელებს.

სტატისტიკის მიხედვით, ბოლო 5 წლის განმავლობაში, ავტობანზე სულ 362 მოქალაქე დაიღუპა და აქედან 37, მხოლოდ 76-ე კილომეტრზე.

ექსპერტთა აზრით, შემთხვევევების პრევენციისთვის, აუცილებელია „შავი წერტილების" შესწავლა და სპეციალური სამოქმედო გეგმის შედგენა. მნიშვნელოვანია ასევე ინფრასტრუქტურული ცვლილებები, უსაფრთხოების სტანდარტების მაღალი დონე და მოსახლეობის ინფორმირება „შავი წერტილების" არსებობის შესახებ.