უფროსი მასწავლებლის სტატუსის შემოღების საკითხს, ორ დღეში დაგეგმილ მთავრობის სხდომაზე განიხილავენ. განათლებისა და მეცნიერების მინისტრი ალექსანდრე ჯეჯელავა იმედოვნებს, რომ ამ სტატუსის მატარებელი ათასობით ადამიანი გახდება, რაც მათ ანაზღაურებაზეც აისახება.

„ცვლილებები უკვე ცნობილია, პედაგოგიური უნარების გამოცდა დაბრუნდა, ორივე გამოცდაში უქმდება ბარიერი, ემატება დამატებითი აქტივობები. მთლიანობაში საქმე არ გამარტივებულა, მაგრამ მრავალფეროვანი და მიმზიდველი გახდა პედაგოგებისთვის და ჩვენ მოველით, რომ წელს ათასობით პედაგოგი შეძლებს, რომ უფროსი მასწავლებელი გახდეს, დაწინაურდეს და ანაზღაურებაც გაეზარდოს და პროფესიული თვალსაზრისითაც დაიხვეწოს მისი უნარები," - განაცხადა განათლებისა და მეცნიერების მინისტრმა.