კოალიცია „ევრო-ატლანტიკური საქართველოსთვის" წევრებმა საკონსტიტუციო კომისიას მიმართეს. მესამე სექტორი ქვეყნის საგარეო კურსის დეკლარირებას და კონსტიტუციის პრეამბულაში ევრო-ატლანტიკური მისწრაფების აღნიშვნას ითხოვს.

როგორც ორგანიზაციის მიერ გავრცელებულ განცხადებაშია აღნიშნული, საქართველოს პარლამენტმა კონსტიტუციაში ცვლილებების შეტანის შესახებ მსჯელობა უკვე დაიწყო.

„იმის გათვალისწინებით, რომ საქართველო მუდმივად დგას საგარეო პოლიტიკური გამოწვევების წინაშე, აღნიშნული განაცხადის კონსტიტუციის სიმაღლეზე აყვანა, ქვეყნის საგარეო და საშინაო პოლიტიკის სწორი მიმართულებით განვითარების თვალსაზრისით, კიდევ ერთი გარანტია იქნება"- აღნიშნავენ კოალიციაში.

კოალიციაში „ევრო-ატლანტიკური საქართველოსთვის" 23 ორგანიზაციაა გაერთიანებული.