პატარა პეპელას, მოყვითალო-თეთრ თმიან ფარვანას, აშშ-ის ახლადარჩეული პრეზიდენტის, დონალდ ტრამპის სახელი უწოდეს.ამის შესახებ ინფორმაციას სააგენტო „REUTERS" ავრცელებს.

პეპლის სახეობა „ნეოპალპა დონალდ ტრამპი", ძირითადად სამხრეთ კალიფორნიასა და მექსიკაშია გავრცელებული.

 მწერის ახალ სახეობას აშშ-ს 45-ე პრეზიდენტის სახელი, ბიოლოგმა, ვაზრიკ ნაზარმა უწოდა.

„ეს სახელი იმიტომ ავირჩიე, რომ საზოგადოებამ მეტი ყურადღება დაუთმოს ამ სუსტ არსებებს, ამერიკაში პეპლის კიდევ ბევრი უცნობი სახეობა ბინადრობს"-განაცხადა ნაზარმა.

ტრამპი არ არის პირველი პრეზიდენტი, რომლის სახელიც ცოცხალ არსებას უწოდეს. ერთი თვის წინ, ჰავაის ჩრდილოეთით, მარჯნის რიფებში ნაპოვნ თევზს, ბარაკ ობამას სახელი დაარქვეს.