ვანო მერაბიშვილს „ნაციონალური მოძრაობის" გენერალური მდივნის თანამდებობის დაკავება აღარ სურს. პარტიის ახალი გენერალური მდივნის არჩევის საკითხზე ,პოლიტსაბჭო იმსჯელებს.

„ეს იმას არ ნიშნავს, რომ ვანო მერაბიშვილი რომელიღაც პარტიაში გადადის. ერთპიროვნულად გადაწყვეტილებას მე ვერ მივიღებ, პოლიტიკური საბჭოს სხდომა უახლოეს დღეებში გაიმართება ცენტრალურ ოფისში და გადაწყვეტილებას იქ მივიღებთ"-განაცხადა ნიკა მელიამ ვანო მერაბიშვილის პოზიციაზე საუბრისას.

"ვანო მერაბიშვილს აქვს სურვილი, რომ ძალიან ვრცლად ისაუბროს მიმდინარე პროცესებთან დაკავშირებით, მაგრამ არა ახლა. ის ელოდება სტრასბურგის სასამართლოს გადაწყვეტილებას, რის შემდეგაც აპირებს პოლიტიკური განცხადების გაკეთებას" - განაცხადა მელიამ.

ნიკა მელია ვანო მერაბიშვილს დეტალებზე სასაუბროდ, ე.წ. მატროსოვის ციხეში შეხვდა.