დღეს ე.წ „კაბელების საქმეზე", განაჩენი გამოცხადდება. თბილისის სააპელაციო სასამართლოს გადაწყვეტილება 3 საათზე გახდება ცნობილი.

ადვოკატების თქმით, ისინი გამამართლებელ განაჩენს ელოდებიან, რადგან სახელმწიფო ბრალდებას, ბრალის დასადასტურებლად, საკმარისი მტკიცებულებები არ აქვს.

პროკურატურა კი ამტკიცებს, რომ ექსპერტიზის დასკვნები და მოწმეთა ჩვენებები ხუთი მსჯავრდებულის დანაშაულზე მიუთითებს.

თავდაცვის სამინისტროს 5 ყოფილ მაღალჩინოსანს, 4 მილიონ ლარზე მეტი საბიუჯეტო თანხის გაფლანგვას ედავებიან. დაახლოებით 2 წლის წინ, საქალაქო სასამართლომ, დაკავებულებს 7-7 წლით თავისუფლების აღკვეთა შეუფარდა.