დღეს უკრაინაში ქართველი ჯარისკაცის, ვიცე-პოლკოვნიკ, გიორგი ცერცვაძის სასამართლო პროცესი გაიმართება. რამდენიმე საათში გახდება ცნობილი, თუ რა გადაწყვეტილებას მიიღებს სააპელაციო სასამართლო ცერცვაძესთან დაკავშირებით.
არსებული ინფორმაციით, ქართველ სამხედროს უკრაინის პროკურატურა გაანთავისუფლებს და რუსეთისთვის გადაცემის საკითხი არ განიხილება.
ბრალდებული უკრაინელმა სამართალდამცველებმა, დაახლოებით ერთი კვირის წინ, აეროპორტში დააკავეს. ინტერპოლი ცერცვაძეს რუსული მხარის მოთხოვნით ეძებდა.
ძებნა ერთი თვის წინ, 2003 წელს ჩადენილი დანაშაულისთვის გამოცხადდა. მას ჯგუფურად ჩადენილი მკვლელობა, მკვლელობის მცდელობა და იარაღის უკანონო ტარება ედება ბრალად.
საზღვრის გადაკვეთისას გიორგი ცერცვაძემ არ იცოდა, რომ მას ინტერპოლი ეძებდა.