თოვის გამო პრობლემებია საქართველოს გზების რამდენიმე მონაკვეთზე. შეზღუდვები ძირითადად ჯვრის და ნაქერალას უღელტეხილებსა და წალკა- ნინოწმინდის მიმართულებით ვრცელდება.
საავტომობილო გზების დეპარტამენტის ინფორმაციით, თოვისა და ყინვის გამო, გუდაური-კობის გზის მონაკვეთზე, მისაბმელიანი და ნახევრადმისაბმელიანი ავტოტრანსპორტის მოძრაობა აკრძალულია.
ინტენსიური თოვის გამო, შეზღუდვებია ასევე ქუთაისი-ტყიბული-ამბროლაურის საავტომობილო გზაზე, ნაქერალას უღელტეხილის მონაკვეთზე, მისაბმელიანი, ნახევრადმისაბმელიანი ავტოტრანსპორტის და 30 ადგილზე მეტი ტევადობის ავტობუსების მოძრაობა აკრძალულია.
რთული მეტეოროლოგიური პირობების, თოვის, ძლიერი ქარბუქის და შეზღუდული ხილვადობის გამო, ფარავანი-ნინოწმინდის გზის მონაკვეთზე, ყველა სახის ავტოტრანსპორტის მოძრაობაა აკრძალულია.