შეჩერდეს Mcdonald`s -ის მშენებლობა ქუთაისის ისტორიულ ცენტრში- ამ მოთხოვნით პეტიციას ხელს ამ დროისთვის 590-ზე მეტი ადამიანი აწერს. პეტიციაზე ხელმომწერები აღნიშნავენ, რომ ქუთაისის სავიზიტო ბარათი უნდა იყოს ისტორიული მუზეუმი და არა Mcdonald`s  . ხელმომწერებთა ადრესატი ქუთაისის მერიაა.

„იმედის" ინფორმაციით, ქუთაისის მერიაში აცხადებენ, რომ მშენებარე Mcdonald`s-ი არ კვეთს მუზეუმის ყოფილ შენობას. „ნიკო ბერძენიშვილის სახელობის, ქუთაისის სახელმწიფო ისტორიული მუზეუმი უკვე 6 წელია პუშკინის ქუჩაზე, ეროვნული ბანკის ყოფილ, ისტორიულ შენობაშია გადატანილი და იქ დარჩება".

რაც შეეხება Mcdonald`s-ის ახლოს მდებარე მუზეუმის ყოფილ შენობას, მერიის პრესამსახურის ინფორმაციით, ის ამორტიზებულია და ამ ადგილზე სასატუმროს მშენებლობის საკითხი განიხილება.