„ნაციონალურ მოძრაობაში" საგანგებო ბრიფინგი გაიმართა. პარტიის წევრები გია ცერცვაძის საკითხთან დაკავშირებით საგამოძიებო კომისიის შექმნის ინიციატივით გამოდიან. ამავდროულად, პარტია მთავრობისგან იმ სამხედროების ვინაობის გასაჯაროებას ითხოვს, რომელთა მონაცემებიც, ენმ-ის წევრების თქმით, რუსეთს გადაეცა.

„ამ ფაქტებმა მიიღო სისტემური ხასიათი. ამის პარალელურად გვსურს და მოვითხოვთ საქართველოს ხელისუფლებისგან, გაასაჯაროოს ყველა იმ სამხედროს მონაცემები, სახელები და გვარები, რომელთა შესახებ ინფორმაცია გადაეცა რუსეთის ხელისუფლებას პირდაპირ, ან ირიბად,"- განაცხადა ზაზა ბიბილაშვილმა.