პრეზიდენტის მიერ თავდაცვის სამინისტროს 5 ყოფილი მაღალჩინოსნის შეწყალების მიუხედავად, ადვოკატები ე.წ. კაბელების საქმეზე სამართალბრივ დავას მაინც გააგრძელებენ.

"მივმართავთ უზენაეს სასამართლოს, თუმცა ამ ინსტანციის იმედიც არ გვაქვს, რადგან საქართველოში სასამართლო პოლიტიზირებულია. აქედან გამომდინარე, ნაკლებად ოპტიმისტურად ვართ განწყობილი, თუმცა საქართველოში ბოლო ინსტანციის მოვლის შემდეგ მომზადდება სარჩელი სტრასბურგის ადამიანის უფლებათა ევროპული სასამართლოსთვის", - განაცხადა ლევან სამუშიამ.

ე.წ. კაბელების საქმეზე ბრალდებული თავდაცვის სამინისტროს 5 ყოფილი მაღალჩინოსანი გიორგი ლობჟანიძე, არჩილ ალავიძე, დავით წიფურია, გიზო ღლონტი და ნუგზარ კაიშაური პრეზიდენტმა გუშინ შეიწყალა. მათ საპატიმრო დაწესებულება უკვე დატოვეს.