თბილისში თოვის გამო გზებზე შეფერხებები არ არის. როგორც „თბილსერვის ჯგუფის" საზოგადოებასთან ურთიერთობის წარმომადგენელმა „რეზონანსთან" განაცხადა, გაწმენდითი სამუშაოები დილის 6 საათიდან დაიწყო.

ამ დროისათვის თბილისის ტერიტორიაზე ავტოტრანსპორტით გადაადგილება შეუფერხებლად მიმდინარეობს. დილის ათი საათიდან გაიწმინდა გზები და დაიყარა ტექნიკური მარილი „ნუცუბიძის" ფერდობებსა და თბილისის ზღვის მიმდებარე ტერიტორიაზე.

„თბილსერვის ჯგუფის" განცხადებით, პრიორიტეტი ცენტრალურ ქუჩებს ენიჭება, შეფერხების შემთხვევაში ქალაქის გარე უბნებშიც დაიწყება გაწმენდითი სამუშაოები.