მესამე დღეა ინტენსიურად თოვს ბათუმში. თოვლის საფარი 50 სანტიმეტრს აღწევს. ცენტრალურ გზებზე საავტომობილო მოძრაობა არ შეფერხებულა. პარალელურად მიმდინარეობს თოვლის საფარისგან გზების გაწმენდა.

დიდთოვლობის გამო, ქობულეთი-ოზურგეთის მიმართულებით გადაადგილება შეფერხებულია. ბათუმი-ქობულეთის ცენტრალურ მაგისტრალზე, სატრანსპორტო მიმოსვლა აღდგენილია.

5 ათასამდე აბონენტს ელექტროენერგია არ მიეწოდება ბათუმის სოფლებში.

სინოპტიკოსები მაღალმთიან აჭარაში ისევ თოვლს და ქარბუქს პროგნოზირებენ. შავი ზღვის სანაპიროზე დღის მეორე ნახევარში 5 ბალამდე შტორმს ელოდებიან.

სინოპტიკოსების პროგნოზიტ, უამინდობა აჭარაში თვის ბოლომდე გაგრძელდება. ნალექი თოვლის სახით, მომდევნო ორი დღის განმავლობაში შენარჩუნდება.