აზერბაიჯანის რესპუბლიკის მოქალაქე, 1985 წელს დაბადებული ე.ი. ნარკოდანაშაულისთვის, თბილისში დააკავეს.

შსს-ს კრიმინალური პოლიციის დეპარტამენტის თანამშრომლებმა, დაკავებულის ბინის ჩხრეკისას, ნარკოტიკული საშუალება „მდმა"-ს შემცველი 727 აბი, ასევე, „მდმა"-ს შემცველი 52 ფირფიტა და 15,07 გრამი კანაფის ფისის შემცველი ნარკოტიკი ამოიღეს.

ნარკოლოგიური შემოწმების შედეგად, ე.ი.-ს ნარკოტიკული საშუალებების მოხმარების ფაქტი დაუდგინდა.

გამოძიება დიდი ოდენობით ნარკოტიკული საშუალების უკანონო შეძენა-შენახვის ფაქტზე მიმდინარეობს.