„ბავშვთა სამყაროში" გაჩენილი ხანძრის შედეგად დაზარალებულმა მოვაჭრეებმა თბილისის მერიაში შეჭრა სცადეს, რასაც დაცვის სამსახურთან დაპირისპირება მოჰყვა. საბოლოოდ, აქციის სამი მონაწილე მერიის შენობაში შევიდა.

აქციაზე შეკრებილების მთავარი მოთხოვნაა კომპენსაციის მიღება. თბილისის მერიასთან „ბავშვთა სამყაროს" ტერიტორიაზე ტანსაცმლით მოვაჭრეების მიერ გამართულ აქციაზე საკრებულოს ფრაქცია „ნაციონალური მოძრაობის" წარმომადგენლებიც მივიდნენ. ისინი დედაქალაქის მთავრობას უმოქმედობაში ადანაშაულებენ.