შსს-ში განმარტავენ, რომ ახსნა-განმარტებების ჩამორთმევის დროს სამივე მძღოლმა დაადასტურა მათ მიერ ჩადენილი სამართალდარღვევა, რის გამოც დაჯარიმდნენ მართვის მოწმობების ერთი წლის ვადით ჩამორთმევით.

„2016 წლის 10 დეკემბერს სამმა მოქალაქემ თბილისში, ერთ-ერთი აქციის მსვლელობის დროს, ავტომანქანებით ჯგუფურად, უკანონოდ გადაკეტეს რუსთაველის გამზირი, მთლიანად დაიკავეს გზის სავალი ნაწილი, შეაფერხეს მოძრაობა და არ მისცეს სხვა მძღოლებს თავისუფლად გადაადგილების საშუალება," - ნათქვამია შინაგან საქმეთა სამინისტროს განცხადებაში.

დღეს დაჯარიმებულმა მძღოლებმა ბრიფინგი გამართეს და შინაგან საქმეთა სამინისტრო მათი უფლებების დარღვევაში დაადანაშაულეს.