28 წლის მწყემსი, არჩილ შათირიშვილი, სურების მთებში, მესაქონლეთა კარავში, გარდაცვლილი იპოვეს. ახლობლები და სამაშველო სამსახურის თანამშრომლები ახალგაზრდას, ორი დღის განმავლობაში ეძებდნენ. ცხედრის გადასასვენებლად მთებში გზა იწმინდება.
ჩოხატაურის მუნიციპალიტეტის გამგეობის ინფორმაციით, არჩილ შათირიშვილი,სოფელ სურების მცხოვრები იყო.
ადგილობრივი სამართალდამცველების გამოძიებით, მამაკაცის ცხედარზე ძალადობის კვალი არ აღინიშნება.
წინასწარი ინფორმაციით, არჩილ შათირიშვილი ვანში, სოფელ ყუმურში, სტუმრად იმყოფებოდა და უკან, მთაზე გადასასვლელი, საფეხმავლო გზით, ჩოხატაურში ბრუნდებოდა. გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს.