საქართველოს პრეზიდენტმა გიორგი მარგველაშვილმა ევროპარლამენტარებს მნიშვნელოვანი გადაწყვეტილებისთვის მადლობა გადაუხადა.

„მინდა მივულოცო ჩვენს მოქალაქეებს კიდევ ერთი მნიშვნელოვანი მიღწევა ჩვენი ევროპული ინტეგრაციის პროცესში. მინდა მადლობა გადავუხადო ევროპარლამენტარებს ამ მნიშვნელოვანი გადაწყვეტილებისთვის. მინდა მადლობა ვუთხრა ევროპის ელჩებს, რომლებიც მუშაობდნენ ამ მიღწევისთვის. მინდა მადლობა ვუთხრა ჩვენს მთავრობას - აღმასრულებელს და საკანონმდებლოს - პარლამენტს როგორც მოქმედს, ასევე წინა ხელისუფლებებს იმ მუშაობისთვის, რაც მათ გასწიეს ამ მნიშვნელოვანი მიღწევისთვის."